De abbate

44v Audivi de quodam abbate, qui frequenter se inebriabat. Et cum quodam sero inebriatus fuisset et propter sollempnitatem diei vino indigesto ad matutinas venisset, lector ab ipso benediccionem peciit, et ipse incepit dicere: „Largitor omnium bonorum45r benedicat cibum et potum servorum suorum.“ Et cum ei dicerent: „Domine, male dixistis, non dicatis ita,“ ipse reiterabat idem verbum. Credebat enim esse in potacione hesterna. Propter quod bene dicitur Prover. XX°: Luxuriosa res est vinum et contumeliosa ebrietas: quicumque hiis delectatur, non erit sapiens.

Exemplum o opatovi

Obsah