343rDe relaxiacionibus et indulgenciis: ad quid valent

Item queritur de relaxacionibus sive de indulgenciis, ad quas penas relaxandas valeant. Et dicunt quidam, quod tantummodo valent ad illas penas relaxandas seu indulgendas, quas homo aliquis tenetur ex aliqua obligacione per hominem imposita vel quas ex caucione incurrit. Sed hoc non est verum, quia sic frustrarentur claves Petro concesse et per Petrum suis successoribus, cui dictum est a domino Mt 16: Quodcumque ligaveris super terram erit ligatum et in celis et quodcumque solveris super terram erit solutum et in celis. Unde est dicendum aliter, quod per huiusmodi indul gencias dimittuntur seu relaxantur pene, que post devotam contricionem remanent, que post puram confessionem remanent, que post sacramentalem sacerdotis absolucionem remanent. In contricione enim devota, in confessione pura et in sacramentali sacerdotis absolucione dimittitur culpa et datur donum gracie gratum facientis et postea per in dulgencias humiliter et devote susceptas relaxatur pena, que ex culpa prove niebat, quam penam si de bitor hic non solveret in purgatorio solvere tenetur. Unde ad solucionem penarum huiusmodi post contricionem devotam, post confessionem puram et post sacramentalem sacerdotis absolucionem remanencium peccator, debitor penarum per indulgencias adiuvatur. Et ex hoc patet, soluci o huius questionis, qua queritur, utrum in peccato mortali constitutus possit tales indulgencias promereri. Et dicendum est, quod non, quia indulgencie sunt penarum relaxacio, sed pena consequitur culpam, si ergo culpa non fuerit per contricionem et per confessionem et per sacrametalem sacerdotis absolucionem abolita et dimissa (et quamlibet culpam pena debita consequatur), non dimittitur pena, nec relaxatur per huiusmodi indulgencias, nisi prius culpa aboleatur per penitenciam devotam.

Item queritur, utrum episcopus vel quilibet superior in peccato mortali constitutus possit dare indulgencias. Et dicendum est, quod sic, quia dare indulgencias ad iurisdiccionem pertinet, sed episcopus propter mortale peccatum non privatur iurisdiccione episcopali, ergo potest dare indulgencias non obstante culpa huiusmodi peccati. Item queritur, utrum episcopus possit dare indulgencias in purgatorio constitutis constitutus. Et dicendum est, quod per modum iurisdiccionis et indulgencie non potest dare illis indulgencias, qui sunt extra forum suum et extra iudicium ecclesie militantis, sedper modum suffragii potest, hoc modo dicendum. Cupimus eciam, quod iste indulgencie prosint illis et suffra gentur, qui sunt in purgatorio constituti.

On dissolution and indulgences: what they apply to

Content