42r

Exemplum de puero

Legitur, quod quidam puerulus nutritus est in heremo cum quodam heremita. Et cum iret heremita cum puero iam adulto visitare quendam sanctum patrem et dum transirent per aquam, viderunt ibi mulieres pannos lavantes. Et cum quereret iste iuvenis, quid hoc esset, respondit senex: „Fili, non cures, anseres sunt silvatici.“ Et ille iuvenis multum aspexit mulieres. Et tandem facta visitacione redierunt ad heremum. Et in nocte dyabolus apparuit ei in forma mulieris volens eum osculari et amplexari. Ipse vero dicere cepit et clamare: „Aucula, aucula!“ Et frequenter rediit et ipse semper clamabat: „Aucula, aucula,“ sic audierat dicere custodes anserum. Et mane facto quesivit senex, quare tantum de nocte clamasset. Ipse vero respondit,42v illi anseres silvatici venissent ad eum volentes eum osculari et amplexari et ipse eis restitit. Et ideo scriptum est Tren. III°: Depredatus est oculus meus animam meam in cunctis filiabus urbis mee.

Exemplum of a boy

Content