1r

Confiteor tibi, Domine Deus, quia peccavi in celum et in terram, coram te et sancto altari tuo. Peccavi per negligenciam mandatorum tuorum. Peccavi per superbiam, per invidiam, per detraccionem, per avariciam,1v per maliciam, per mendacium, per fornicacionem, per falsum testimonium, per furtum, per rapinam, per leticiam terrenam, per ebrietatem, per ociosas fabulas, per contenciones, per rixas, per iracundiam, per blasphemiam, per desiderium carnis.2r Peccavi in oculis meis, in naribus, in faucibus meis, in lingwa mea, in corde, in cogitacionibus, in opere meo. Confiteor tibi, Domine Deus, omnia peccata mea, quia tu solus es sine peccato. Deprecor te, Domine Deus, per sanctum ad2v ventum tuum, per sanctam nativitatem tuam, per sanctum baptismum tuum, per sanctum ieiunium tuum, per sanctam predicacionem tuam, per lignum sancte crucis tue, per effusionem sangwinis tui, per3r sanctum sepulchrum tuum, per sanctam resurreccionem tuam, per gloriosam ascensionem tuam, per graciam Spiritus sancti paracliti, per gloriosam Virginem Mariam et per omnes sanctos et electos tuos, ut des michi remissionem3v omnium peccatorum meorum. Amen.

Sequitur alia confessio

Confiteor tibi Domino meo omnipotenti et ubique presenti, quia inique egi a mee infancie temporibus usque in hodiernum diem et perversa est in conspectu tuo,4r Domine, vita mea, lapsa est in lacum miserie anima mea et iniquitatibus extincta. In superbia, vana gloria, arrogancia, elacione, iactancia, levitate, invidia, malivolencia, libidine, luxuria, polucione, avaricia, gula, ebrietate, com messacio4v ne, ira, odio, mala voluntate, mala optacione, inpaciencia, discordia, concupiscencia, rapina in datis acceptisque muneribus, mendacio, periurio, furto, falso testimonio, fraude, detraccione, bilinguitate, murmuracione, invitacione, malediccione, simu5r lacione, scurilitate, susurracione, stultiloquio, inani gloria, pigricia, ignorancia, negligencia, tristicia, perfidia, accidia, sompnolencia, incredulitate, sacrilegio, supersticione. Invidendo dignitatibus, honoribus, potestatibus atque diviciis aliorum ac5v ipsa concupiscendo. Deliqui et in castitate ac diversis viciis carnalibus sanguinem Domini nostri Ihesu Christi nephando ore et poluto corde et corpore sine digna confessione et aliquo fructu penitencie accepi, dies celebres et festinos indevote et indigne peregi, amorem6r seculi et concupiscencias carnales nimium dilexi. Sepe iuravi et periuravi et alios iurare et periurare feci. Preceptis Dei mei inobediens fui, molestus, superbus, contenciosus, invidus, iracundus, inmitis, turbulentus et furibundus. Oracionem quoque,6v quam humiliter in conspectu tuo effundere debueram, mens tepide et negligenter et secularibus curis et occupacionibus variis et inutilibus et vanis cogitacionibus intenta, frequenter peregi. Multis malum exemplum me ipsum exhibui aput te Deum | et homines cogitando loquendo et operando mala maxima. Ideo ad te Deum confugio, in conspectu angelorum et omnium sanctorum prostratus veniam et indulgenciam postulo ac supplico. Quatenus tu Deus omnipotens, qui dixisti: Nolo mor| tem peccatoris, sed ut convertatur et vivat. Miserearis michi et me purges per hanc confessionem. Et dimitte ac deleas omnia delicta mea preterita et a presentibus continenciam prestes et de futuris tribuas defensionem et auxilium tuum contra insidias, temptaciones et laqueos sathane, quibus nullo modo sine auxilio miseracionis tue resistere valeo omnipotens Deus. Qui vivis et regnas in secula seculorum. Amen.

Domine Ihesu Christe, qui mundum proprio | sangwine redemisti, exaudi me peccatorem cottidie peccantem et in peccatis iacentem, tibi soli peccavi, te Christe confessus sum, ego peccavi coram te et coram sanctis angelis tuis in verbis, in factis et in omnibus cogitacionibus, quibus cogita| re potui, infelix homo, innumerabilia sunt delicta mea. Omnipotens Deus, miserere mei, veniam peto coram [te] et coram sanctis tuis de universis peccatis meis preteritis, presentibus et futuris. Deus, propicius esto michi peccatori et da michi licenciam | in hac vita agere penitenciam, per quam deleam omnia peccata mea, quia nescio, ad quem fugiam nisi ad te, Christe, qui es vita vivorum et resurreccio mortuorum. Orate pro me omnes sancti angeli atque archangeli, throni, dominaciones, principatus, | potestates, virtutes, cherubini atque seraphini. Orate pro me omnes sancti patriarche et prophete. Orate pro me omnes sancti apostoli et martires. Orate pro me omnes sancti confessores et virgines ac vidue et omnes sancti et electi12v Dei. Orate pro me, ut Deus omnipotens illuminet faciem suam super me miserum et misereatur mei. Qui vivis et regnas in secula seculorum. Amen.

13r

Cursus de sancto Mathia apostolo ad matutinas

Deus, in adiutorium meum intende.

Domine, ad adiuvandum me festina.

Gloria Patri.

Psalmus

Beatus, quem elegisti et assumpsisti habi13v tabit in atriis tuis. Replebimur bonis domus tue, sanctum est templum tuum, mirabile in equitate. Exaudi nos, Deus, salutaris noster, spes omnium finium terre et in mari longe. Gloria Patri.

Versus

Elegi virum iuxta cor14r meum. Qui faciet omnes voluntates meas.

Oracio

Venerabilis vir, beate Mathia, quem universorum Dominus ante mundi constitucionem elegit et tempore acceptabili ex Hebreorum generacione productum ac morum claritate14v pollentem inter septuaginta duos sue sacre imitacionis discipulos recenseri decrevit, ut cui operibus mentaliter adheseras, huic eciam familiariter obsequendo corporaliter adhereres, michi, W[enceslao], servo tuo, obtinere digneris, ut15r qui me inter electe plebis sue numero recensuit et eiusdem ceptrigerum regimen comendavit, dignum vite sue sectatorem efficiat. Amen.

Pro hora prima

Deus, in adiutorium meum intende et cetera.

Psalmus

Fiant dies eius pauci et episcopatum eius accipiat alter. Fiant filii eius orphani et uxor eius vidua. Nutantes transferantur filii eius et mendicent, eiciantur de habitacionibus suis. Gloria Patri.

Versus

Orantes apostoli dederunt eis sortes. Et cecidit sors super Mathiam.

Oracio

Altissimi cesaris serve fidelis et prudens, sancte Mathia, qui tanta virtutum celebritate vigebas, ut dum infelix perdicionis filius apostolice dignitatis e|piscopatum se sugillando desereret, tu, divine providencie miraculo ex omnibus mundi incolis solus fuisti dignus in locum ipsius apostate surrogari, ne sacer ille numerus sui perfeccione careret, me W[enceslaum], servum tuum, Domino studio| ose commenda, ut qui me in solio regii honoris constituit, morum honestate decoret. Amen.

Ad terciam

Deus, in adiutorium meum intende. Domine, ad adiuvandum…

Psalmus

Pro patribus tuis nati sunt tibi | filii, constitues eos principes super omnem terram. Memores erunt nominis tui, Domine, in omni generacione et generacione. Propterea populi confitebuntur tibi in eternum et in seculum seculi. Gloria.

Versus

Et thronus eius sicut | filii, constitues eos principes super omnem terram. Memores erunt nominis tui, Domine, in omni generacione et generacione. Propterea populi confitebuntur tibi in eternum et in seculum seculi. Gloria.

Versus

Et thronus eius sicut sol in conspectu meo. Et sicut luna perfecta in eternum et testis in celo fidelis.

Oracio

Clarissime virorum michi in patronum ac universali ecclesie in apostolum divina sorte donante, beate Mathia, illius nempe devotis precibus Dominus in| clinatus, tibi duodenum apostolici ministerii thronum tribuit, michi vero in die tui gloriosi natalis in orbem terrarum exorto te in patronum speciali dono concessit, tuo itaque patrocinio confotus, tua direccione directus | regale officium in iusticia et veritate disponam. Amen.

Pro hora sexta

Deus, in adiutorium meum intende. Domine, [ad] adiuvandum me festina. Gloria.

Book of hours of King Wenceslas IV

Content