343rQuestio, ubi sit purgatorium

Queritur, ubi sit purgatorium. Quidam dicunt, quod ibi est purgatorium et in eo loco, ubi et in quo quis peccavit, unde si peccavit in terra, ibi purgabitur, si in aqua peccavit, in aqua purgabitur. Sed hec opinio non potest stare, quia nulla res creata potest simul esse in diversis locis, nec loca diversa simul occupare, unde anima, cum sit creata, non potest simul a diversis penarum locis puniri. Alii dicunt, quod locus purgatorii sit in medio super inter sticio aeris sive sub spera ignis et ibi purgentur per frigoris asperitatem nimiam et caloris estum fortiter agentem in animas ipsas. Sed hoc non videtur, cum penarum ponderositas ex culpa peccati proveniencium pocius ad infima trahat, quam elevet ad superna. Alii dicunt et melius, quod purgatorium sive locus purgatorii duobus modis consideratur aut accipitur modis: Uno modo secundum communem legem, alio modo secundum privilegium speciale. Primo modo purgatorii locus est iuxta infernum et in terra et in illo igne tamquam infernali gravissime fortiter agente anime purgande secundum penarum multitudinem vel paucitatem communiter purgantur. Secundum autem alterum modum Deus aliqua loca purgatorii ordinavit specialia, in quibus alia anima aliis penis et altera alteris puniatur penis.

Item videtur, quod343v purgatorium penitus non sit. Dicitur enim in libro Apocalipsis Iohannis: Amodo iam dicit spiritus, ut requiescant a la boribus suis. Si ergo post presentem vitam requiescere debent a laboribus suis, non videtur, ut mittantur in labores ergo nec in purgatorium, quod labores penarum includit. Item quicumque est in gracia constitutus, regnum celeste meretur, sed omnis, qui penitenciam de culpis et peccatis egit est in gracia constitutus, ergo regnum meretur et ad celos evolat, frustra igitur dicitur purgatorium. Solucio: Dicendum est, quod locus purgatorii est et in eo anime, que non plene penas in hoc seculo pro peccatis et culpis suis egerunt nec satisfecerunt pro illis, in purgatorium mittuntur et donec ibi purgentur non evolant ad regnum celorum. Ad primum ergo respondendum est per distinctionem. Est enim duplex labor: Unus promerendi et alius passionem sustinendi. Quando ergo dicit in Apocalipsi: ut requiescant a laboribus , intelligendum est a laboribus, scilicet promerendi sive merendi, quia post vitam presentem non restant neque supersunt animabus aliqui labores, quibus vel per quos per se aliquid mereantur et ab istis laboribus requiescunt. A laboribus autem secundo acceptis sive consideratis, qui sunt passionis sustinende, non requiescunt, donec in totum purgentur et usque ad perfectum beatitudinis statum. Ad secundum dicendum, quod, licet omnis post contricionem et confessionem culparum sit in gracia constitutus, tamen potest esse, quod de peccatis penis non satisfecerit sibi iniunctis et ideo mittitur ad locum, in quo satisfaciat de eisdem, et ille est purgatorium. Est ergo purgatorium, in quo non pur gatus purgetur.

Question, where is purgatory

Content